Sansani…..

Seedhi sadak
Sunsaan samaa.
Ek cup chaay kadak
Sang sugar ki dawa.

Achaanak saamne aa khada hota gandhi
Par kyun rashtrapita ne laal saadi hai baandhi.
Pichhle das dino se roz aata yahi sapna
Dar ke maare ab haal behaal hai apna.

Ab aap hi koi ilaaz batlaayein Dr. baboo
Kaise paoo main apne chanchal man par kaboo.
Aane se pehle yahan, maine kya kuchh nahi aazmaaya
Deri kar aane me yahan main bahut pachhtaya.

Jis raat pehli baar maine dekha yeh swapna vichitra
Soya tha main akela, na koi sangi, na hi mitr.
Subah dauda dauda gaya main apni maa ke paas
Jaanti mujhko mujhse behter, lagakar yahi aas.

Ghabraaya dekh mujhe, boli beta kya hai baat
Hadbada main bola, maa sapna dekha ajeeb kal raat.
Seedhi sadak thi, sunsaan samaa tha
Door door tak na kisi ka namo nishaa tha.

Sunte hi itna maa muskaai
Pyaar se mere gaal par ek chapat lagaai.
Samajh gayi main sab kuchh, munna na kar tu koi gam
Jeevan ki is raah par tera soona man chahe ek humdum.
Laaoongi apne jagdishe ki anandi si dulhan
Rachaoongi dhoom dhaam se shaadi, jaise ram-sita ka milan.
Chhod ab chinta aur na ho pareshaan
Jald hi goonjegi kilkaariyaan, na rahega tera jeevan sunsaan.

Agli raat neend me fir hua wahi kalesh
Ratat ratat nikli raat, brahma vishnu mahesh.
Bhor bhayi, tab jaakar saans me aayi saans
Bhatka dar dar main, kaise chhudaaon yeh faans.

Kisi ne kaha ek taang par kar vishnu ka dhyaan
Kisi ke kehne par kiya maine ek kunware gadhe ka daan.
Kisi ne kaha takiye ke neeche rakho chawal ubaal
Kisi ke kehne par liye maine teen bandar bhi paal.

kisi ne kaha bhojan khilao brahmano ko nabbe
kisi ke kehne par khaaye maine 786 golgappe.
Jaadoo-tona tantrik-totka sab karwake dekha
Khinchi palang ke charo aur maine laxman rekha.

Saadi pehen sadko par ghooma
Gomutra pee paagalo sa jhooma.
Ganne ke kheto me hal bhi jota
Phir bhi dara-dara sa tha main sota.

Hua na jab kuchh toh gaya main jyotish ke dwaar
Gir us paakhandi ke charno me, lagaai karun pukaar.
Baba! Badi ummeedon se aaya hoon aapki sharan
Karta hoon vistaar se apne swapan ka vivran.

Seedhi sadak
Sunsaan samaa.
Ek cup chaai kadak
Sang sugar ki dawa.

Achaanak baba ka aasan dagmagaya
Ramdev ki tarah baba ne apna pet sikudaya.
Baal jhatakte hue har har mahadev ka udghosh lagaaya
Sau ka note le fir mera bhavishya batlaaya.

Bachcha! jaan le tu, tujh par tera shani hai bhaari
kyunki woh hi aise khel khilaata hai
Ho jise sugar ki beemaari
Use roz 4 cup kadak chaai pilata hai.

Shani ko manaane ko lagaaya maine edi-choti ka zor
Ek din mein do do baar dekhi tashan aur krazzy4.
(cudnt thnk of a bigger torture/ test of devotion)
Par ab bhi har raat wahi swapan dekh machaata hoon shor
Kyun saadi pehne gandhi bole Yeh Dil Maange More.

Der aaye durust aaye, na jataao ab koi khed
Door hogi sab shanka, chahe apnaana pade saam-daam dand bhed.
Suni dhyaan se maine poori kahaani
Aisa bhayaanak swapna, yaad aa jaaye naani.

Pehle-pahal laga mujhe, hai tumhe lymphosercoma of intestine
Isiliye karwaaya tumhara CAT, Ultrasound aur X-ray of spine.
Par ab sun vistaar se rog samajh me aaya hai
Fees meri hai kuchh zyada, par beta woh sab moh maaya hai.

Gandhi ka aana swapna me saaf karta ishaara hai
Netaao ke bhrashtaachaar se grasit desh humara hai.
Shiksha se mahatvapoorna ab dhoni-ishaant ka haircut hai
Kaamkaaj chhod Eight pack abs ki lagaayein sab rat hain.
Dekh aisi desh ki haalat Baapoo ki aankhein nam hain
Apni sanskriti bachaane ki ab aakhiri ummeed hum hain.

Par Dr. baabu kyun bapu ne stri vesh kiya hai dhaaran
Hai kya rahasya iska, aakhir hai kya kaaran.
Sunkar itna Dr. sahab karne lage manan
Ek baar fir saare tathyo ka vishleshan kiya gahan.
Achaanak aankhon me unki aayi ajab chamak
Hontho pe halki muskaan, dil me chubhti si kasak.

Apni kursi se uthkar kiye mere charan sparsh
Bole, aapka darshan paa man ko hua behad harsh.
Yeh upar waala bhi ajab rang dikhaata hai
Naa jaane kis kis roop me maseeha bankar aata hai.

Avashya hi pichhle janam me aap thi putlibaai
Nissandeh aap hi thi gandhiji ki lugaai.
Khushkismati humaari jo fir liya aapne avtaar
Ab aap hi karein hum patito ka uddhaar.

Bapu bhi aaayein hain kya aapke saath
Kahan chhupkar baithe hain hum sabke nath.
Na hota mujhse ab aur sabar
Abhi karta hoon aaj tak ko khabar.
Sunkar yeh fail jaayegi sab aur sansani
Bhool jaayenge log sab, kya rab ne, kya ghajini.

Sunte hi “sansani”  mera sar chakraaya
Drishya us raat ka fir aankho ke saamne aaya.
Sone se pehle Tv par dekh raha tha main news
Sansani naam ke naatak me ek paagal cheekh cheekh kar de raha tha apne views.
Chain se sona hai toh jaag jaao
Marne se pehle duniya chhodkar bhaag jaao.

Dikha rahe the usme ek khoon ka kissa
Lad rahe the do bhai, maang apna apna hissa.
Seedhi sadak thi, kaali raat ghir aayi thi
Ek dhaabe ke bahar bichhi ek chaarpaai thi.
Us par kisi aurat ne apni saadi sukhaayi thi
Hai woh kiski, isi baat par Bhaaiyo ne 500 rupaye ki shart lagaayi thi.
Paison ko le ho gaya jhagda, bhai ne bhai par goli chalaai thi
Ant me 500 ke note par khoon se rangi gandhi ki tasveer muskaayi thi.

10 responses to “Sansani…..

  1. HATS OFF!!!

    And I mean it.. I really really mean it!!

    Such profound thoughts.. such huge issues..

    And the sheer simplicity and ease with which u’ve portrayed it!

    I bow before you..

    And this time.. there’s no sarcasm.. i DO mean it!!

    You deserve all the applause that comes your way.. and even that which doesn’t..
    if only you could see how enraptured i was..

    Gosh… i have no words at all…!!

    me: thanks for your more than generous praise……to be praised by a poetess whose poems never fail to enchant me………

  2. hail gurudev!!!!! amazing…i mean kya kahu ab main tujhe??? tu hi meri inspiration hai ye to tujhe pata hai… but that inspiration has taken a whole new form…
    when i read mummy ka explanation i ws like aunty ko phone karke apna proposal dena parega….lol… but cow urine…oh god!!!!
    but it was damn hilarious… don’t mind my publicizing it on every damn social netwrking site i am on…. it was the longset peom i’ve ever read and it was amazing from top to bottom… esp th personification u did in th end…. omg…. amazing!!!!

    me: yeah, 112 lines…..srsly, I wud never hav read such a long poem on any blog…..thnks a lot….and publicizing it….oh, dats so sweet….and as for me being an inspiration, well the feeling is reciprocated….

  3. LOL!!!… kya likha hai yaar awesome!! really great!
    hillarious in parts and covers such a random array of topics!!

    jai ho tikki baba ki!
    *Joins hands and bows low*

    🙂

  4. when I first had a look at the poem, I thought – abe itni badi poem kaun padega…!
    but after starting reading it, I thought – abe itni badiya poem kaun chhodega…..!!!!

    great work man….good amalgam of various issues….and I loved the lighter side of it, tashan and krazzy4 were indeed very difficult to handle !!

    me: thnx dude….

  5. Quintessential… Almighty where art thou feet….
    this is criusly the best(and the longest) poem i have ever read… i mean the way of presnting such complex thoughts thru simpl eyes… mast hai yaar macha di…

  6. Good work.. u shd categorize it under ‘Thinking J’ cz a lot of thinking has gone into the making of the poem and its quite evident from the array of issues that u hav voiced, and also bcz of the apparent simplicity n flow thru connectivity with wich u hav written it… right from social, political n economic issues, to personal opinions abt TV serials, movies, and the world at large; everything that u wanted to b conveyed has made its point. Great job.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s