Phir Dekhiye

Hai khush kabhi toh kabhi kuchh khafa khafa
Zindagi hai ek tajurba, zara karke dekhiye

Doosro ki galtiyon se seekhne me hai kya
khud apni nayi khataayein karke dekhiye

Bheed me na jaane kahan ojhal ho gaye ho
kabhi koi nayee raah pakad kar dekhiye

Betuki, berang si ho gayi hai zindagi
ghar ki nahi, dil ki deewarein rang kar dekhiye

Saagar ki satah par hoti hain lehrein kuchh alag
kabhi kisi ke dil ki gehraaiyon me utarkar dekhiye

Laila Majnu ke kisse ab hue puraane
Dil apna bhi kisi se laga kar dekhiye

Kaun kehta hai ki ranjhe ko heer nahi mili
kabhi kisi ke ishq me mar mitkar dekhiye

Unka bhi haal-e-dil hai kuchh aisa hi
kabhi aankhon se izhaar karke dekhiye

Bada arsa hua unse nauk-jhonk hue
zara unki saheli ki taareef karke dekhiye

Kyun bharne nahi dete dil ko apne sapno ki udaan
kabhi baarishon me kaagaz ki naav chalakar dekhiye

Kaam padne par yaad karte hain sabhi
kabhi bina matlab kisi dost ko phone karke dekhiye

Gaadi, dhan-daulat, aisho-aaram ke peechhe bhaagte rahe
kabhi maa ki god me do pal sar rakhkar dekhiye

Na jaane kin chintaon me khoye rehte ho hardum
kabhi kisi bachche ko ek gubaara dilakar dekhiye

Kis raftaar se jiye jaa rahe ho zindagi
kabhi raat bhar jag taare ginkar dekhiye

Sahme sahme jeene me rakha hai kya
Kabhi chhat par khade ho chillakar dekhiye

Ret ke gharonde banaate the bachpan me
Aaj bhi usi befikri se jee kar dekhiye

College ke woh din bhula diye kaise
kabhi tasveeron se dhool hatakar dekhiye

Marna hai aakhir har kisi ko ek din
kabhi is khauff ko bhulakar jeekar dekhiye

Well, I guess this is a little too philo to digest. So, here a few more lines, which so as to say, rather go with my image.

Kaisi outdated gaaliyaan diye jaa rahe ho
kabhi roadies-big boss dekhkar dekhiye

Kya mila is sophisticated zindagi se
kabhi ashutosh ki tarah alhad bankar dekhiye

Sharaab, cigarette se hota hi hai kya
marna hi hai toh dope maarkar dekhiye

Zero-size figure me hai kya mazaa
kabhi coffee ke sang chocolate khaakar dekhiye

Ladkiyon ke peechhe bhaagte hain sabhi
Kabhi humse bhi ‘Dostana’ karke dekhiye
Phir Dekhiye!!!

P.S.

1. The title is taken from the movie Rock On!!!

2. Have you checked out the new shows on MTV at 7? I nearly died laughing while watching G-Talk last night. Shambhvi and Anmol make Sonel look smart. lol.

3 responses to “Phir Dekhiye

  1. In short, kabhi ek din bas khud ke liye zindagi jee ke dekho… Kudos great post! Loved it. Made me senti in between… really we are missing out on a big deal while living aimlessly on the fast track.. Whats the use of merely running if we stop enjoying life for that?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s